KRSda ochiq jarrohlik amaliyoti o‘sma jarayonining tarqalishiga qarab, shuningdek, bemorning individual xususiyatlaridan kelib chiqib turli vaziyatlarda qo‘llanadi:
➖ yondosh tuzilmalar yoki a’zolarni jarayonga jalb qiladigan yirik o‘smalar. Noradikal amaliyot xatarli bo‘lganda;
➖favqulodda holatlar: o‘sma parchalanishi bilan bog‘liq qon ketishi, ichak o‘tkazmasligi; yo‘g‘on ichak butligi buzilib, buning natijasida peritonit yoki abssess yuzaga kelishi, o‘sma fonida yallig‘lanish jarayonlari;
➖homilaning embrional rivojlanishi bilan bog‘liq murakkab anatomik xususiyatlar. Bunga oshqozon-ichak trakti rivojlanishining anomaliyalari (a’zoning ikkilanganligi, u yoki bu tomir mavjud bo‘lmaganda qon bilan ta’minlanishning o‘ziga xosligi)ni kiritish mumkin;
➖konstitutsional xususiyatlar (tana vazni indeksining yuqoriligi), yoshga oid xususiyatlar va bemorning surunkali kasalliklari (infarkt, insult);
➖avvalda qorin bo‘shlig‘ida o‘tkazilgan amaliyotlar va ulardan keyingi bitish jarayoni;
➖o‘smani bir vaqtda olib tashlash uchun alohida metastazalar mavjud bo‘lganda (masalan, jigarda), amaliyotning radikalroq hajmi uchun bizga ochiq kirish talab etiladi.
Eslatib o‘taman, amaliyot turini tanlash jarroh tomonidan, bemorning individual xususiyatlar asosida amalga oshiriladi.
