Hozirda kam invaziyali (laparoskopik va robot ishtirokidagi) amaliyotlar KRSni jarrohlik yo‘li bilan davolashda asosiy o‘ringa chiqmoqda.
Ular maxsus kamera, yuqori energiyali asbob-uskunlar (zamonaviy ultratovushli skalpel) va qorin bo‘shlig‘iga kichik tirqishlar orqali kiritiladigan laparoskopik (uzun va ingichka) asbob-uskunlar hisobiga amalga oshiriladi.
Laparoskopik amaliyotlarning afzalliklari:
Ravshanroq ko‘rinish — xavfsizlik garovi. Laparoskop (kamera) 4K va 3D-tasvirni monitorga uzatadi, bu jarrohning tomirlar, a’zolar, to‘qimalarni yaxshiroq ko‘rishini ta’minlaydi va ularni shikastlash xatarini minimallashtirishga imkon beradi.
Zamonaviy energetik skalpel yordamida to‘qimalar bir vaqtning o‘zida kuydirilib, keyin kesiladi, bu qon ketish ehtimolini kamaytiradi.
Uzun va nozik asbob-uskunalar, ajoyib vizualizatsiya bilan birga, ayniqsa kichik tosda ishlashda, borish qiyin bo‘lgan joylargacha yetib borish imkonini beradi. Bu jarrohning ishini aniqroq va xavfsizroq bo‘lishini ta’minlaydi.
“Qo‘llar”ning bo‘lmasligi chandiqlar yuzaga kelishini kamaytiradi.
Kosmetik samara.
Kesiklarning kichikligi infeksion asoratlar, amaliyotdan keyingi churra va chandiqlar ehtimolini kamaytiradi. Ayol bemorlar uchun muhim omil.
Amaliyotdan keyingi kuchsiz og‘riq sindromi ichkarida pretsizion ishlash va tashqarida katta kesiklar yo‘qligi evaziga erishiladi.
Tezroq oyoqqa turish.
Ko‘p hollarda laparoskopik amaliyotlardan keyin bemorlar o‘z harakat faoliyatini tezda tiklaydilar, shuningdek, suv ichish va ovqatlanishni tezroq boshlaydilar, bu bilan gospitalizatsiya muddatini qisqartiradilar.
Biroq hamma holatlarda ham laparoskopik ishlash mos kelavermaydi, bunday holatlarda bo‘shliqli (ochiq) amaliyot bajariladi. Ishning qanday turda bo‘lishi haqidagi qarorni bemorning individual xususiyatlari asosida jarroh qabul qiladi.
