XIZMATLAR

Olingan natijalarga koʻra chek-list va konsultatsiya

Biz sizga mutaxassisga taqdim etish uchun barcha kerakli hujjatlarni to‘plashga yordam beramiz. Bunda sizga CHEK-LIST yordam beradi. Chek-list — bu tashxis qo‘yish va kasallik bosqichini aniqlash uchun mutaxassisga kerak bo‘ladigan tekshiruv va tahlillarning ENG MUHIM standart ro‘yxatidir. Shularga ko‘ra mutaxassis to‘g‘ri muolaja usulini belgilaydi.

Muayyan mutaxassis konsultatsiyasi

Siz va yaqinlaringizga tashxis va kasallik bosqichini to‘g‘ri aniqlashga yordam beruvchi tekshiruv usullari haqida to‘liq ma’lumot olish, o‘simta jarayonining tarqalganligini baholash va aynan mana shu sohaga ixtisoslashgan kerakli mutaxassis tanlash imkonini beradi. Konsultatsiyalarimiz dalilli tibbiyotga asoslanadi va har bir bemorga individual yondashiladi.

Ikkinchi fikr

Bu tekshiruv yoki muolajalarni boshlashdan oldin tanlangan muolaja usullarining to‘g‘riligiga ishonch hosil qilish uchun yana bitta mutaxassisning muqobil fikri.

Tekshiruv natijalarini qayta koʻrib chiqish

Sizda tekshiruv natijalari bor, ammo olingan ma’lumotlarni qayta tekshirishni istaysizmi? Unday holda mutaxassislarimizdan yana bir ekspertlik fikrini olishingiz mumkin (buning uchun KT, MRT, PET, endoskopiya tekshiruvlari joylangan tayyor disk yoki elektron havola taqdim etishingiz lozim).

Har yillik chek-ap (tekshiruv)

Bu organizmda o‘simta bor yoki yo‘qligi haqida ma’lumot olish imkonini beruvchi tekshiruvlar majmuyi. Bunga endoskopik usullar (gastroskopiya va kolonoskopiya), nurli usullar (qorin bo‘shlig‘i, ko‘krak qafasi va kichik tos MSKT, maxsus onkomarkerlar) kiradi.

Skrining

Bu hech qanday shikoyati yo‘q va oila a’zolarida saraton kasalliklari aniqlangan insonlarda muayyan onkologik kasalliklarning bor-yo‘qligi yoki dastlabki bosqichida ekanini aniqlashga imkon beruvchi mustaqil tekshiruv.

Muhim:

Oyda bir marta biz moddiy jihatdan imkoniyati cheklangan va kam taʼminlangan 5 ta oila uchun bepul konsultatsiya taqdim etamiz.
Konsultatsiya sanasi saytimizda 2 hafta oldin eʼlon qilinadi.
Yozilish administrator orqali amalga oshiriladi, konsultatsiya uchun barcha muhim tekshiruvlar kerak boʻladi.
Bepul konsultatsiyaga yozilganlarga biz barcha kerakli tahlillar uchun chek-listni BEPUL joʻnatamiz.

Biz sizdan masʼuliyatli boʻlishni va ushbu bepul joylarni haqiqatan ham konsultatsiya toʻlovi uchun imkoni boʻlmaganlarga qoldirishni samimiy soʻrab qolamiz.